هل موقع خمسات نصاب ؟

معانا اليوم شرح جديد وموضوع جديد في دورة موقع خمسات أو

الربح مقابل تأدية الأعمال والخدمات , طبعا بعد ماخصلنا دروس

دورة حبيت أختم بموضوع مهم جدا وهو هل خمسات نصاب ؟؟ .

ناس كثير بتشكك في موقع خمسات وهل هو نصاب فعلا ولا لأ ,

أولا موقع خمسات زي ماقلنا قبل كده تابع لشركة عربية شهيرة

وهي شبكة إعلانات حسوب ولها شهرة كبيرة فمش معقول يكون

الموقع نصاب .

ثانيا موقع خمسات له شهرة كبيرة فمش مجرد إن واحد أو إثنين

نشروا في منتدي إنه نصاب يبقي الموقع نصاب وكلنا نبني علي

كده دور في جوجل أو في غيره وشوف إثباتات الدفع مش مصدق

جرب بنفسك وعبر عن تجربتك .

ثالثا الموقع بياخد عمولة محددة منك ومن المشتري وهي 25%

علي كل خدمة فمعني كده إن الموقع بيكسب وله شهرة وشغال

فليه بقي الموقع هينصب علي الناس ويضيع سمعته والناس إلي

شغاله عليه إلي بتعتبر مصدر ربح له .

حلو وبعدين الموقع مش بيحظرك بدون أي حاجه الموقع بيحظرك

عشان حاجتين الأولي إنك بتخالف القانون ودي قوانين وسياسات

وأحكام المواقع كاملة تقدر تطلع عليها : من هنا.

اللغنز بقي إن كثير من الناس بتدخل المناقشة في خمسات وتتهم

الموقع بالنصب أو تسأل هل خمسات نصاب أو لأ فده يعتبر تشهير

بالموقع وإهانة وإتهام بدون وجه حق فعشان كده بتاخد حظر .

طب لو أخدت حظر من الموقع هتبدأ تراسل الدعم الفني بتاع

الموقع وطبعا لازم تراسلهم بإحترام وأدب عشان يساعدم ويرد

عليك كويس لأنه بشر زيه زيه وبإذن الله هيساعدوك قدر

المستطاع وعلي حسبك حالتك .

في النهاية بشكرك علي قراءة تدوينتي الطويلة وهيا عبارة عن

وجهة نظر وإثبات لحقائق لايعملها كثير من الناس والشرح

بالأسفل بيوضح أكثر متنساش تعمل سبسكرايب في القناة عشان

يوصلك الجديد وتابعنا بقي يابرنس :

Arb Site